
马尔巴大师教言集MARPA16ཞལ་གདམས་བཀའ་བཞི་ལོ་རྒྱུས་དང་བཅས་པ་བསྲེ་འཕོ་ལག་ལེན་དུ་དྲིལ་བ་ཟབ་མོ།
2-1-30a
༄༅། །ཞལ་གདམས་བཀའ་བཞི་ལོ་རྒྱུས་དང་བཅས་པ་བསྲེ་འཕོ་ལག་ལེན་དུ་དྲིལ་བ་ཟབ་མོ།
༄། །བར་དོའི་རྣམ་གཞག་བཅའ་བ།
༄༅། །ཞལ་གདམས་བཀའ་བཞི་ལོ་རྒྱུས་དང་བཅས་པ་བསྲེ་འཕོ་ལག་ལེན་དུ་དྲིལ་བ་ཟབ་མོ་བཞུགས་སོ། །བླ་མ་རྗེ་བཙུན་བཀའ་དྲིན་ཅན་རྣམས་ལ་ཕྱག་འཚལ་ལོ། །ཇོ་བོ་ནཱ་རོ་པ་འདི་མི་ཆོས་ཀྱི་ཡུལ་ཁ་ཆེ་ཡིན་སྐད། རིག་པའི་གནས་ལྔ་ལ་མ་རྨོངས་པའི་མཁས་པ་པཎྜི་ཏ་ཡིན། དེས་བདེ་མཆོག་འཁོར་ལོའི་རྣལ་འབྱོར་གྱིས་ཡི་གེ་བདུན་པའི་སྔགས་འབུམ་ཕྲག་གཅིག་བཟླས་པས་ས་གཞི་གཡོས་ཤིང་ལུང་བསྟན་བྱུང་སྟེ། ཁྱོད་རྒྱ་གར་ཤར་ཕྱོགས་ཀྱི་ཏི་ལོ་པ་བྱ་བ་དེའི་རིགས་ཡིན། ཇོ་བོ་ཏི་ལོ་པ་བྱ་བ་དེ་ཁྱོད་ཀྱི་སྐྱེ་བ་བདུན་གྱི་བླ་མ་ཡིན་པས། དེ་ལ་གདམས་ངག་ཞུས་ལ་སྒོམས་ཤིག་བྱ་བའི་ལུང་བསྟན་བྱུང་སྟེ། དེར་ཇོ་བོ་ནཱ་རོ་པ་དང་ཏེ་ལོ་གཉིས་ཨོ་ཏན་ད་གཙུག་གི་ནོར་བུའི་གཙུག་ལག་ཁང་དུ་ཞལ་མཇལ་བ་ཡིན་གསུངས། ཇོ་བོ་ཏི་ལོ་པ་ལ་
2-1-30b
གདམས་ངག་གི་བཀའ་བཞི་ཆས་པ་ཡིན། དེ་ལ་སློབ་དཔོན་ཀླུ་སྒྲུབ་ཀྱི་གདམས་ངག་གི་བཀའ་ཅིག་(གཅིག་)བབས། བྲམ་ཟེ་ཆེན་པོ་ས་ར་ཧའི་གདམས་ངག་བཀའ་ཅིག་(གཅིག་)བབས། སློབ་དཔོན་ནག་པོ་སྤྱོད་པ་བའི་གདམས་ངག་གི་བཀའ་ཅིག་(གཅིག་)བབས། མཁའ་འགྲོ་མ་སུ་མ་ཏི་སྐལ་བ་བཟང་མོའི་གདམས་ངག་གི་བཀའ་ཅིག་བབས་པ་ཡིན་གསུངས། [རི་ཁྲོད་པ།] ཇོ་བོ་ཆེན་པོ་ཏི་ལོ་པའི་ཆགས་ཕྱིར་ནཱ་རོ་པ་ལོ་བཅུ་གཉིས་བཞུགས་ནས། ལོ་རེ་ལ་དཀའ་བ་མི་འདྲ་བ་ཤི་ལ་ཁད་པ་བཅུ་[ཀུན་ཏུ་ཟེར།] གཉིས་སྤྱད་པའི་མཐར་གདམས་ངག་འདི་ཚོ་གནང་བ་ཡིན་གསུང་། ཇོ་བོ་ནཱ་རོ་པའི་སྤྱན་སྔར་མར་པས་ལོ་བཅུ་གཉིས་བཞུགས་ནས། གསེར་གྱི་མཎྜལ་ཡང་ནས་ཡང་དུ་ཕུལ་ནས་གདམས་ངག་འདི་ཚོ་གནང་བ་ཡིན་གསུང་། བླ་མའི་ཡབ་ཀྱིས་བླ་མ་མར་པ་ལ་ཡོང་དག་ལན་གསུམ་བྱས་པའི་མཐའ་མར་གདམས་ངག་འདི་ཚོ་གནང་བ་ཡིན་གསུང་། གདམས་ངག་འདི་བསྒོམ་ངེས་པ་ལ་བསྟན། མི་བསྒོམ་པ་ལ་མི་བསྟན་ཞལ་གྱི་གདམས་[རྔོག་ཆོས་རྡོར།] ངག་ཡིན་གསུང་། དེ་ལ་ཇོ་བོ་ནཱ་རོ་པའི་བཞེད་པས། བར་དོའི་རྣམ་གཞག་བཅའ་བ་དང་། བར་དོ་ཉམས་སུ་ལེན་པ་གཉིས་ཡིན་གསུངས། དེ་ལ་བར་དོའི་རྣམ་གཞག་བཅའ་བ་ལ་བར་དོ་རྣམ་པ་གསུམ་ཡིན་གསུང་། དེ་ལྟར་ཡང་བརྟག་པ་ཕྱི་མའི་ལེའུ་གཉིས་པ་ལས། 
2-1-31a
ཇི་ལྟར་སྒྱུ་མ་རྨི་ལམ་དང་། །ཇི་ལྟར་བར་མའི་སྲིད་ཡིན་པ་ཞེས་བཤད་པས། སྐྱེ་ཤི་བར་མ་དོ་དང་། རྨི་ལམ་བར་མ་དོ་དང་། སྲིད་པ་བར་མ་དོ་དང་གསུམ་ཡིན་གསུང་། སྐྱེ་ཤི་ནི་མ་ཤི་བའི་བར་དེ་ལ་སྐྱེ་ཤི་བར་མ་དོ་ཟེར་བ་ཡིན། རྨི་ལམ་མང་པོ་ཟིང་གིས་རྨི་བའི་དུས་ལ་རྨི་ལམ་བར་མ་དོ་ཟེར་བ་ཡིན། ཤི་ནས་ལུས་མ་བླངས་པའི་བར་དུ་ལ་སྲིད་པ་བར་མ་དོ་ཟེར་བ་ཡིན། བར་དོ་རྣམ་པ་གསུམ་ལ་ལུས་རྣམ་པ་གསུམ་ཡིན་གསུང་། སྐྱེ་ཤི་བར་དོ་ལ་རྣམ་པར་སྨིན་པའི་ལུས་ཡིན། རྨི་ལམ་བར་དོ་ལ་བག་ཆགས་ཀྱི་ལུས་ཡིན། སྲིད་པ་བར་དོ་ལ་ཡིད་ཀྱི་ལུས་ཡིན། བར་དོ་རྣམ་པ་གསུམ་ལ་སྔོན་འགྲོ་རྣམ་པ་གསུམ་ཡིན། སྐྱེ་ཤི་བར་དོ་ལ་ཆོས་ཐམས་ཅད་སྟོང་ཉིད་འོད་གསལ་སྔོན་དུ་འགྲོ་བ་ཡིན། [ལུས་སེམས་པ་རྣམ་པ་གསུམ་བྱུང་དེ་ལས་སྐལ་བ་དང་པོ་མི་བྱུང་།] རྨི་ལམ་བར་དོ་ལ་གཉིད་འཐུག་པོ་སྔོན་དུ་འགྲོ་བ་ཡིན། སྲིད་པ་བར་དོ་ལ་འཆི་ཁའི་འོད་གསལ་སྔོན་དུ་འགྲོ་བ་ཡིན། བར་དོ་རྣམ་པ་གསུམ་ལ། མཚམས་སྦྱོར་རྣམ་པ་གསུམ་ཡིན་གསུང་། སྐྱེ་ཤི་བར་དོ་ལ་དབང་བཞི་གསུམ་གྱི་ཉམས་དང་མཚམས་སྦྱོར་བ་ཡིན། རྨི་ལམ་བར་དོ་ལ་འདུན་པ་དྲག་པོ་དང་མཚམས་སྦྱོར་བ་ཡིན། སྲིད་པ་བར་དོ་ལ་ཕ་མ་གཉིས་དང་མཚམས་སྦྱོར་བ་ཡིན། བར་དོ་རྣམ་པ་གསུམ་ལ་བསྲེ་བ་རྣམ་པ་གསུམ་
2-1-31b
ཡིན་གསུང་། སྐྱེ་ཤི་བར་དོ་ལ་འདོད་ཆགས་ཤས་ཆེ་བས་འདོད་ཆགས་དང་བསྲེ་བ་ཡིན། རྨི་ལམ་བར་དོ་ལ་གཏི་མུག་དང་བསྲེ་བ་ཡིན། སྲིད་པ་བར་དོ་ལ་ཞེ་སྡང་ཤས་ཆེ་བས་ཞེ་སྡང་དང་བསྲེ་བ་ཡིན། དེ་ལྟར་ན་བར་དོ་རྣམ་པ་གསུམ། ལུས་རྣམ་པ་གསུམ། སྔོན་འགྲོ་རྣམ་པ་གསུམ། མཚམས་སྦྱོར་རྣམ་པ་གསུམ། བསྲེ་བ་རྣམ་པ་གསུམ་སྟེ་བཅོ་ལྔར་བྱས་ནས། བར་དོའི་རྣམ་བཞག་(གཞག་)བཅའ་བ་བཤད་དོ།། །།
༄། །བར་དོ་ཉམས་སུ་བླང་བ་ལ། སྐྱེ་ཤི་བར་མ་དོ།
བར་དོ་ཉམས་སུ་བླང་བ་ལ་བར་དོ་རྣམ་པ་གསུམ་ཡིན། སྐྱེ་ཤི་བར་མ་དོ་དང་། རྨི་ལམ་བར་མ་དོ་དང་། སྲིད་པ་བར་མ་དོ་དང་གསུམ་ཡིན། བར་དོ་རྣམ་པ་གསུམ་དུ་བསྲེ་འཕོ་གཉིས་ཀྱི་མན་ངག་བྱ་གསུངས། བསྲེ་བ་རྣམས་ནི་བསྒོམས་ནས་སངས་རྒྱ་བའི་ཐབས་ཡིན། འཕོ་བ་ནི་མ་བསྒོམ་པར་སངས་རྒྱ་བའི་ཐབས་ཡིན། དེ་ལ་དང་པོ་བསྲེ་བའི་མན་ངག་བྱ་བ་དེ་ཡིན། དེ་ལ་སྐྱེ་ཤི་བར་དོ་ལ་བསྐྱེད་རྫོགས་གཉིས་ཀྱི་མན་ངག་དང་བསྲེ། རྨི་ལམ་བར་དོ་ལ་རྨི་ལམ་དང་བསམ་གཏན་བསྲེ། སྲིད་པ་བར་དོ་ལ་འོད་གསལ་དང་བསྲེ་བའོ། །
༈ བསྲེ་བའི་མན་ངག་ལ། སྐྱེ་ཤི་བར་དོ་ལ་བསྐྱེད་རྫོགས་གཉིས་ཀྱི་མན་ངག་དང་བསྲེ་བ།
སྐྱེ་ཤི་བར་དོ་ལ་བསྐྱེད་རྫོགས་གཉིས་ཀྱི་གདམས་ངག་བསྲེ་བ་ལ། སྔོན་འགྲོ་ལུས་དང་རླུང་སྦྱང་བ་གལ་ཆེ་སྟེ་དཔེར་ན་ཞོ་རྐྱལ་ལེགས་པར་མ་སྦྱངས་པར། བཙན་ཐབས་སུ་ཞོ་བླུགས་པས་མེན་ཏེ་
2-1-32a
ཞོ་ཆུད་ཟོས་པ་ཡིན། [བོ་ནས།] མེན་ཏེ་རྐྱལ་པ་ཆུད་ཟོས་པ་རལ་དུ་ཡིན། ཞོ་རྐྱལ་སྦྱངས་ནས་ཞོ་བླུགས་པས་ཞོ་ཡང་ཆུད་མི་ཟོས་རྐྱལ་པ་ཡང་ཆུད་མི་ཟོས་པ་ཡིན། དཔེ་དེ་བཞིན་དུ་ལུས་དང་རླུང་མ་སྦྱངས་པར་བསྒོམས་པས་མེན་ཏེ་ལུས་ཆུད་ཟོས་ཏེ་ན་ཚ་འོང་ངོ་། །མིན་ཏེ་གདམས་ངག་ཆུད་ཟོས་ཏེ་ཉམས་མྱོང་མི་སྐྱེ། ཞོ་རྐྱལ་མི་སྦྱངས་པར་ཞོ་བླུགས་པ་དང་འདྲ་བ་ཡིན། ལུས་དང་རླུང་སེམས་ལེགས་པར་སྦྱངས་ནས་བསྒོམས་པས་ལུས་དང་[རླུང་གིས་འབྱུང་བ་འཁྲུགས་ནས།] གདམས་ངག་ཆུད་མི་ཟོས་ཏེ་ཞོ་རྐྱལ་སྦངས་ནས་ཞོ་བླུགས་པ་དང་འདྲ་བ་ཡིན་པས། སྔོན་དུ་ལུས་དང་། རླུང་སྦྱོང་བར་བྱེད་པ་ལ། ནང་པར་ནས་བསྒོམ་ལ་འཇུག་པའི་དོད་མོ་དཀོན་མཆོག་ལ་མཆོད་པ་བྱ། ཆོས་སྐྱོང་ལ་གཏོར་མ་ཕུལ་ནས། བདག་དགེ་སྦྱོར་བྱེད་པ་ལ་བར་ཆད་མ་གཏང་ཅིག་བྱ་བ་ལ་སོགས་པའི་གསོལ་གདབ། དེ་ནས་ནང་པར་ལུས་དང་རླུང་སྦྱང་བ་བསྒོམ་པ་ནི། སྟན་བདེ་བའི་སྟེང་དུ་འདུག་ནས་བསྟོད་པ། རྐང་པ་གཡས་པའི་མཐིལ་རྐུབ་ཚོས་གཡོན་པ་ལ་གཏད། རྐང་པ་གཡོན་པའི་མཐིལ་རྐུབ་ཚོས་གཡས་པ་ལ་གཏད། [སང་ནུབ།]སྒལ་ཚིགས་དྲང་ཐར་གྱིས་བསྲང་། སྟེང་འོག་ཡིད་ཙམ་དགུག ལྟེ་ཁུང་ནས་སོར་གཉིས་ཀྱི་འོག་ཏུ་མཉམ་བཞག་གི་ཕྱག་རྒྱ་དམ་དུ་བསྡམ། དེ་ནས་རླུང་ཕྱིར་ཁྲུ་གང་ཙམ་བག་ཙམ་དུ་བཏང་
2-1-32b
ནས་ནང་དུ་རྔུབས་ལ། སྟེང་རླུང་འོག་རླུང་བསྡམ་མི་ནུས་ན་སྣ་བུག་ན་ཡར་དལ་བུས་བཏང་[ཁ་ནས་མར་མི་བཏང་།] དེ་བཞིན་དུ་བསྒོམ་པའི་ཉི་མ་ཕྱེད་[མི་དང་ཟན་ཟ་ཙམ་པ་ཐུན་གཅིག་བྱས།] ཚུན་ཆད་དུ་ཐུན་གཉིས། ཕྱེད་ཕན་ཆད་ཐུན་གཉིས། སྲོད་ལ་ཐུན་གཅིག་ཐོ་རངས་ཐུན་གཅིག་སྟེ། ཞག་གཅིག་ལ་ཐུན་དྲུག་དྲུག་ཏུ་བཅད་ལ་བསྒོམ་མོ། །དེ་ནས་མགོ་དང་ལག་པ་དང་རྐང་པ་མི་བདེ་ན་[བརྐྱང་སྐུམ་བྱ།] རླུང་བསྡམས་ལ་གང་མི་བདེ་བ་སྤྲུག སྐེ་དང་སྟོད་དང་སྨད་[གཅུ་གཅུ་རླུང་བསྡམ།] མི་བདེ་ན་རླུང་བསྡམས་ལ་གང་མི་བདེ་བ་གཅུ། དེ་བཞིན་ཞག་གཅིག་ཙམ་དུ་བསྒོམ་པ་ནི་ལུས་དང་རླུང་སྦྱང་བའོ། །དེ་ནས་བསྐྱེད་རྫོགས་ཀྱི་མན་ངག་བསྒོམ་པ་ལ། གཞི་བསྐྱེད་རིམ་རྒྱུད་ནས་བཤད་པའི་རྒྱས་པའམ་བར་མའམ་བསྡུས་པའམ་གང་མོས་ཅིག་བསྒོམ། དེ་ལྟར་ཡང་རྒྱུད་ནས་ཅི་ལྟར་རིགས་པའི་རྣལ་འབྱོར་མའི་བསྐྱེད་དང་ཞེས་བཤད་པ་རྒྱས་བསྡུས་གསུམ་པོ་གང་མོས་ཅིག་བསྒོམ། ཡང་ན་བདག་དང་དངོས་པོ་ཐམས་ཅད་སྟོང་པ་ཉིད་དུ་སྟོང་ཕྱམ་གྱིས་བསྒོམ། དེ་ཡང་སྐད་ཅིག་གི་བསྒོམ་རྒྱུད་ཀྱི་རྒྱལ་པོ་མི་དགོས་གསུང་བླ་མ། དེའི་ངང་ལས་ཧེ་རུ་ཀ་གང་མོས་སམ་[ཡི་དམ་གང་ཡིན།] ལྷ་མོ་བཅོ་ལྔའམ་གང་མོས་པ་ཅིག་སྐད་ཅིག་གིས་བསྒོམ་མོ། །དེ་ནི་བསྐྱེད་རིམ་བསྒོམ་པའོ། །དེ་ནས་རྫོགས་རིམ་
2-1-33a
སྒོམ་པ་ལ་བླ་མ་དཔེ་དོན་གཉིས་སུ་གསུངས་ཏེ། དཔེར་ན་བོད་དབུས་གཙང་ཐམས་ཅད་བགྲོད་པའི་ལམ་མོ་ཆེ་ཡོད་པ་ལས། ལམ་དེའི་གཡས་སུ་གཉིས་ཕག་རྒོད། གཡོན་དུ་སྦྲུལ། ལམ་དཀྱིལ་དུ་གླང་པོ་ཆེ་འདོད། སྨྱོན་པ་ཡོད་ན། དེ་གསུམ་གྱིས་མི་ལ་སོགས་པ་བསད་ནས་ཟ་བས་ལམ་ལ་སོགས་པའི་རྒྱུ་འགྲུལ་འཆད་སེམས་ཅད་དེ་གསུམ་ཡང་ཅིག་(གཅིག་)གི་དགྲ་ཅིག་(གཅིག་)ཡིན་པས། གླང་པོ་ཆེ་འགུལ་ན་སྦྲུལ་སྣ་བུག་དུ་སོང་ནས་གསོད། སྦྲུལ་འགུལ་ན་ཕག་གིས་གསོད། ཕག་འགུལ་ན་གླང་པོ་ཆེས་གསོད་པས། དེ་གསུམ་ཅིག་(གཅིག་)ལ་གཅིག་དམིག་(མིག་)ཅེར་རེ་འཇིགས་པས་འགུལ་མི་ནུས་པ་ཡིན། དེར་ཁོང་གསུམ་ལ་བཙའ་རྒྱུ་མེད་ནས་ཞག་གཅིག་ན་ལྟོགས་ནས་འཆི་བ་ཡིན། དཔེ་དེ་བཞིན་དུ་ལམ་པོ་ཆེ་དང་འདྲ་བ། སེམས་ཅན་ཐམས་ཅད་ཀྱི་རྒྱུད་ལ་སངས་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་དེས་ཁྱབ་ནས་གནས་པ་ཡིན། དེ་ལྟར་ཡང་བརྟག་པ་དང་པོའི་ལེའུ་དང་པོ་ནས། ལུས་ལ་ཡེ་ཤེས་ཆེན་པོ་གནས། །རྟོག་པ་ཐམས་ཅད་ཡང་དག་སྤངས། །དངོས་པོ་ཀུན་ལ་ཁྱབ་པའོ། །ལུས་གནས་ལུས་ལས་མ་སྐྱེས་པའོ། །ཞེས་བཤད་དོ། །དེ་ལྟར་ལམ་གྱི་གཡས་གཡོན་དབུས་དང་གསུམ་ན་སྲོག་ཆགས་གསུམ་ཡོད་པས་ལམ་ལ་མིའི་རྒྱུ་འགྲུལ་
2-1-33b
བྱེད་པ་འཆད་པ་བཞིན་དུ། རང་གི་རྒྱུད་ལ་ཡོད་པའི་གླང་པོ་ཆེ་དང་འདྲ་བའི་འདོད་ཆགས། སྦྲུལ་དང་འདྲ་བའི་ཞེ་སྡང་། [ཉིན་མེད་མཚན་མེད་དོ། །[ཉིན་མེད་མཚན་མེད་དོ། །]]ཕག་དང་འདྲ་བའི་གཏི་མུག་དང་གསུམ་གྱིས་རྒྱུད་བཅིངས་ནས་ཡོད་པའི་ཡེ་ཤེས་སྐྱེ་བ་བཀག །སེམས་ཅན་དེ་གསུམ་ཞག་ཅིག་(གཅིག་)ན་ལྟོགས་ནས་འཆི་བ་དང་འདྲ་བར། བླ་མའི་མན་ངག་འདི་ཞག་གཉིས་བསྒོམ་ན་དུག་གསུམ་མི་རྟོག་པར་འཆར་བ་ཡིན་གསུངས་[དུག་གསུམ་གྱིས་འཁོར་ནས།] དུག་གསུམ་མི་རྟོག་པར་འཆར་བབས་པ་འདི་ལ།། །།དུས་ཀྱི་གནད་དང་། [ཕག་སྦྲུལ་གླང་།] ལུས་བཅོས་པའི་གནད་དང་། ཡུལ་གྱི་གནད་དང་གསུམ་ཡིན་གསུང་(གསུངས།) [ཡང་ཟག་མེད་དོ། །[ཡང་ཟག་མེད་དོ། །]]དེ་ལ་དང་པོ་དུས་ཀྱི་གནད་བྱ་བ་དེ་རླུང་ཨ་བ་དྷཱ་ཏིར་རྒྱུ་བའི་དུས་སུ་བསྒོམ། དེའང་རླུང་སྣ་བུག་གཡས་ནས་རྒྱུ་གཡོན་ནས་རྒྱུ། གཉིས་ག་ནས་དྲག་པར་རྒྱུ་བའི་དུས་སུ་མི་བསྒོམ། གཉིས་ཀ་ནས་དལ་བར་རྒྱུ་བའི་དུས་སུ་བསྒོམ། འོ་ན་གཞན་དུ་མི་བསྒོམ་མམ་བྱས་པས་གཞན་དུའང་བསྒོམ་སྟེ། ཁྱད་པར་དུ་དུས་[ཡེ་ཤེས་སྐྱེ་བའི་དུས་ཡིན་པས།] དེར་བསྒོམ་པ་ཡིན་གསུངས། དེ་ནས་ལུས་བཅོས་པའི་གནད་ལ། རེའུ་མིག་ལྟར་བསྣོལ་བ་དང་། མདའ་ལྟར་སྲང་བ་དང་། ལྕགས་ཀྱུ་ལྟར་དགུག་པ་དང་། རྒྱ་མདུད་ལྟར་སྡམ་པ་དང་། ལི་རི་ལྟར་བསྒྲིམ་པ་ལྔ་ཡིན་གསུངས། དེ་ཡང་དང་
2-1-34a
པོ་ནི་སྟན་བདེ་བའི་སྟེང་དུ་འདུག་ནས་རྐང་པ་གཡས་པའི་མཐིལ་རྐུབ་ཚོས་གཡོན་པ་ལ་གཏད། རྐང་པ་གཡོན་པའི་མཐིལ་རྐུབ་ཚོས་གཡས་པ་ལ་གཏད། གཉིས་པ་ནི་སྒལ་ཚིགས་དྲང་ཐར་གྱིས་བསྲང་བ། གསུམ་པ་ནི་ཏོང་མགོ་ཡིད་ཙམ་དགུག བཞི་པ་ནི་ལྟེ་ཁུང་ནས་སོར་གཉིས་འོག་ཏུ་མཉམ་བཞག་གི་ཕྱག་རྒྱས་དམ་དུ་བསྡམ། ལྔ་པ་ནི་ལི་རིའི་ཐག་པ་དེ་མ་བསྡམས་ན་འཆད། བསྒྲིམས་ན་མི་འཆད་པ་བཞིན་དུ་སེམས་མ་བསྒྲིམས་ན་ཉམས་མྱོང་མི་སྐྱེ་བས་[གཏུམ་མོའི་མེད་པའི།] སེམས་ཤིན་ཏུ་བསྒྲིམས་(སྒྲིམས་)གསུང་(གསུངས)། དེ་ནས་ཡུལ་གྱི་གནད་ལ་སྤྱི་བོ་བདེ་བ་ཆེན་པོའི་འཁོར་ལོར་མི་བསྒོམ། མགྲིན་པ་ལོངས་སྤྱོད་ཀྱི་འཁོར་ལོར་མི་བསྒོམ། སྙིང་ག་ཆོས་ཀྱི་འཁོར་ལོར་མི་བསྒོམ། འོ་ན་གར་བསྒོམ་བྱས་པ་ལ་ལྟེ་བ་ནས་སོར་བཞིའི་ལྐོག་རྩ་གསུམ་འདོམ་པའི་མདོ་གསུམ་དེར་སེམས་གཏོད་པ་ཡིན་གསུངས། དེ་ནས་རླུང་ཕྱིར་འགྲོ་ནང་འགྲོ་ལན་བཅུ་ཙམ་བྱས་ལ། རླུང་ཕྱིར་ཁྲུ་གང་སྟེང་རླུང་སྡོམ་འོག་རླུང་མི་སྡོམ་པར་ཤྭ་ཤྭ་གཏང་། འོག་རླུང་སྡམ་ན་ལུས་ལ་ཟུག ཙམ་དུ་བཏང་ནས་རླུང་ནང་དུ་རྔུབས་ནས། གཡས་རྩ་དང་གཡོན་རྩ་གཉིས་ན་མར་རླུང་ཆིལ་གྱིས་ལོག་ནས་རྩ་དབུ་མར་རླུང་[ཟེར་དང་ན་ཚ་ལ་སོགས་པའི་གསུས།] ཚུད་པས། དཔེར་ན་ཐལ་བས་གཡོགས་པའི་མེ་ལ་ཕུ་བཏབ་པས་མེ་དམར་ལྷང་
2-1-34b
གིས་འོང་བ་བཞིན་དུ། རྩ་དབུ་མར་རླུང་ཚུད་པ་ཙམ་གྱིས་རྩ་གསུམ་འདོམ་པའི་མདོ། གསུམ་ནས་གཏུམ་མོའི་མེ་མར་མེའི་རྩེ་མོ་རླུང་གིས་མ་བསྐྱོད་པ་ལྟ་བུ། སྦོམ་ཕྲ་རྟ་རྔ་ཙམ་ལ་རིང་ཐུང་སྙིང་ག་ཆོས་ཀྱི་འཁོར་ལོ་བསླེབས་པ་ཙམ་མམ། ཡང་ན་ལྟེ་བར་སླེབས་པ་ཙམ་ལ་སེམས་གཏད་པ་ནི་རླུང་རྔུབ་པའོ། དེ་ནས་སྟེང་འོག་རླུང་བསྡམ་པ་ནི་དགང་པའོ། རྩ་དབུ་མར་རླུང་ཚུད་ནས་ཉམས་མྱོང་སྐྱེས་པ་ནི་ཞི་བའོ། རླུང་མི་ཐུབ་ན་བ་སྤུའི་བུ་ག་ཐམས་ཅད་ན་ཕར་སིབ་སིབ་སོང་བར་བསྒོམ། དེས་ཀྱང་མ་ཐུབ་ན་སྣ་བུག་ནི་ཡར་དལ་བུས་བཏང་ལ་སེམས་ཚངས་པ་བུ་ག་ན་ཡར་བུན་བུན་གཏང་བ་ནི་མ་རྒྱང་རྒྱང་ཐུབ་ན་འཕང་བའོ། །དེ་ལྟར་ཡང་དང་ཡང་དུ་ཐུན་བསྐྱེད་ཅིང་བསྒོམས་པས་དང་པོ་དྲོད་སྐྱེ་དེ་ནས་བདེ་བ་སྐྱེ་དེ་ནས་མི་རྟོག་པ་སྐྱེ་བ་ཡིན་གསུངས། དེ་ཡང་བསྒོམ་རིམ་ན་ཟླ་བ་གསུམ་ན་ཉམས་མྱོང་སྐྱེ། སྒོམ་ཞན་ན་ཟླ་བ་དྲུག་ན་ཉམས་མྱོང་མི་སྐྱེ་མི་སྲིད་གསུང་ངོ་། རླུང་ལྷག་མ་ཨེན་ཏེ་བཞག ཐམས་ཅད་བཏང་ན་ཉམས་མྱོང་སྐྱེ་དཀའ་གསུང་(གསུངས)། དེས་ནི་སྐྱེས་ཤི་བར་དོ་ལ་བསྐྱེད་རྫོགས་གཉིས་ཀྱི་གདམས་ངག་དང་བསྲེ་བ་བཤད་པའོ།། །།
༈ རྨི་ལམ་བར་དོ་ལ་རྨི་ལམ་དང་བསམ་གཏན་བསྲེ་བ།
ད་ནི་རྨི་ལམ་བར་དོ་ལ་རྨི་ལམ་དང་བསམ་གཏན་བསྲེས་ལ་བྱ་བ་དེ་ཡིན། དེ་ལ་རྨི་ལམ་གྱི་འདུ་ཤེས་
2-1-35a
སྔོན་དུ་བཏང་བ་དང་། གཉིད་མི་འོང་བ་འོང་བར་བྱ་བའི་ཐབས་དང་། རྨི་ལམ་[དེའང་གོ་བ་ཅིག་བརྟན་ན་དུས་འདིའི་དུས་སུ་ཡུལ་འདིར་སེམས་འདི་ལྟར་གཏོད་བྱས་པས་ཆོག་གསུང་། གོང་གི་དེ་ཚོ་མ་གོ་བ་ཅིག་ལ་དེ་ལྟར་བསྟན་པ་ཡིན་གསུང་ངོ་། །[དེའང་གོ་བ་ཅིག་བརྟན་ན་དུས་འདིའི་དུས་སུ་ཡུལ་འདིར་སེམས་འདི་ལྟར་གཏོད་བྱས་པས་ཆོག་གསུང་། གོང་གི་དེ་ཚོ་མ་གོ་བ་ཅིག་ལ་དེ་ལྟར་བསྟན་པ་ཡིན་གསུང་ངོ་། །]]ལ་རྨི་ལམ་དུ་ངོ་ཤེས་པར་བྱ་བ་དང་། རྨི་ལམ་སེལ་(སྤེལ་)བ་དང་། རྨི་ལམ་སྦྱང་བ་ལྔ་ཡིན་གསུངས།
༈ རྨི་ལམ་གྱི་འདུ་ཤེས་སྔོན་དུ་གཏང་བ།
དེ་ལ་དང་པོ་རྨི་ལམ་གྱི་འདུ་ཤེས་སྔོན་དུ་གཏང་བ་ནི། ཆོས་ཐམས་ཅད་རྨི་ལམ་ལྟ་བུ་ཡིན། དེ་ཡང་བདེ་བ་ཅི་བྱུང་ཐམས་ཅད་ཀྱང་རྨི་ལམ་ལྟ་བུ་ཡིན་ཏེ། ཁར་སང་ཕན་ཆད་དུ་འདོད་པའི་ཡོན་ཏན་ལྔ་ལ་ལོངས་སྤྱོད་པ་དང་། མདང་རྨི་ལམ་དུ་སྤྱད་པ་གཉིས་དེ་རིང་གི་དུས་སུ་ཁྱད་པར་ཅུང་ཟད་ཀྱང་མི་འདུག དེས་ན་བདེ་བ་ཅི་བྱུང་ཐམས་ཅད་ཀྱང་རྨི་ལམ་ལྟ་བུར་འདུག སྡུག་བསྔལ་ཅི་བྱུང་བ་ཐམས་ཅད་ཀྱང་རྨི་ལམ་ལྟ་བུར་ཡིན་ཏེ། ཁར་སང་ཕན་ཆད་དུ་ལུས་དང་སེམས་ཀྱི་སྡུག་བསྔལ་མང་པོ་ཅི་སྤྱད་པ་དང་། མདང་རྨི་ལམ་གྱི་དུས་སུ་སྤྱད་པ་གཉིས་དེ་རིང་གི་དུས་སུ་ཁྱད་པར་ཅུང་ཟད་ཀྱང་མི་འདུག དེས་ན་སྡུག་བསྔལ་ཅི་བྱུང་ཐམས་ཅད་ཀྱང་རྨི་ལམ་ལྟ་བུར་འདུག གཞན་ཡང་ཁར་སང་ཕན་ཆད་དུ་ལྷའི་ཟས་བདུད་རྩི་ལྟ་བུ་རོ་བཅུད་དང་ལྡན་པ་ཞིག་ལ་ཁམ་ཁམ་ཟོས་པ་དང་། མགོ་རལ་གྲིས་ཚལ་ཚལ་གསེས་པ་དང་། ལུས་མཚོན་གྱིས་གཏུབས་པ་ལ་སོགས་
2-1-35b
པ་སྤྱད་པ་དང་། མདང་རྨི་ལམ་གྱི་དུས་སུ་སྤྱད་པ་གཉིས་དེ་རིང་གི་དུས་སུ་ཁྱད་པར་ཅུང་ཟད་ཀྱང་མི་འདུག་པས་ཆོས་ཐམས་ཅད་རྨི་ལམ་ལྟ་བུར་འདུག ཆོས་ཐམས་ཅད་རྨི་ལམ་ལྟ་བུར་འདུག་པས་རྨི་ལམ་གཅིག་རྨི་བར་དུམ་བུར་བྱའོ། །རྨི་ལམ་དེ་ཡང་ངོ་མཚར་ཅན་སྟོད་ནས་མེ་འབར་ཞིང་སྨད་ནས་ཆུ་འབྲུགས་པའམ། ཉི་མ་དང་ཟླ་བ་རྐང་པས་རྫི་བའམ། ཇོ་བོ་ནཱ་རོ་པ་དང་ཞལ་མཇལ་བའམ། རང་གི་ཡི་དམ་གྱི་ལྷའི་ཞལ་མཐོང་བ་ལ་སོགས་པ་རྨི་བར་བྱའོ།། །།དེས་ཀྱང་མི་འོང་ལག་ལེན་ལ་འདི་གལ་ཆེ་བས་རྨི་ལམ་རྨིས་པའི་དུས་སུ་རྨི་ལམ་ལ་རྨི་ལམ་དུ་ངོ་ཤེས་པར་བྱའོ་སྙམ་པའི་འདུན་པ་ཡང་ནས་ཡང་དུ་བྱའོ། །
༈ གཉིད་མི་འོང་བ་འོང་བར་བྱ་བའི་ཐབས།
གཉིད་མི་འོང་བ་འོང་བར་བྱ་བའི་ཐབས་ནི། མགྲིན་པར་རྩ་པདྨ་འདབ་མ་བཞི་པ་ལྟེ་བ་དང་བཅས་པ་ཅིག་(ཞིག་)བསྒོམ། དེ་ལ་ཡི་གེ་བཀོད་ནས་སེམས་བསྡུད་(སྡུད་)པ་ཅིག་(ཞིག་)ཡོད་དེ་ལག་ལེན་ལ་དེས་མི་འོང་བས། སྨིན་མཚམས་སུ་ཐིག་ལེ་དཀར་ལ་འཚེར་བ་སྣུམ་ལ་འདྲིལ་བ་སྲན་རྡོག་ཙམ་ཅིག་(ཞིག་)བསྒོམ། དེ་ལ་སེམས་གཞན་དུ་མི་འཕྲོ་ཙམ་དུ་བསྒོམ་གསུང་།
༈ རྨི་ལམ་ལ་རྨི་ལམ་དུ་ངོ་ཤེས་པར་བྱ་བ།
རྨི་ལམ་ལ་རྨི་ལམ་དུ་ངོ་ཤེས་པར་བྱ་བ་ནི། བག་ཆགས་ཀྱི་དབང་གིས་རྨི་བ་སྟེ། [དེའང་དི་རིང་ལྟད་མོ་ཆེན་པོ་ཅིག་(ཞིག་)[དེའང་དི་རིང་ལྟད་མོ་ཆེན་པོ་ཅིག་(ཞིག་)བལྟས་ན་དེ་མོད་རྨི་ལམ་དུ་རྟ་རྒྱུགས་པ་དང་དུང་འབུད་པ་དང་དར་འཕྱར་བ་ལ་སོགས་རྨི་བ། ཤེས་པ་གྲིམས་དྲགས་
2-1-36a
ན་གོང་མི་འོང་པས།] ན་གོང་མི་འོང་པས།] དེ་བཞིན་དུ་སྔར་གྱི་འདུན་པའི་སྟོབས་ཀྱིས་རྨི་ལམ་རྨི་བའི་དུས་སུ་རྨི་ལམ་ལ་རྨི་ལམ་དུ་ངོ་ཤེས་པ་འབྱུང་སྟེ། དེ་ཡང་ཁྱིའམ་བུད་མེད་ལ་སོགས་པ་རྨིས་ན་རྨི་ལམ་གྱི་ཁྱི་ཡིན་རྨི་ལམ་གྱི་བུད་མེད་ཡིན་སྙམ་པ་འབྱུང་ངོ་། །
༈ རྨི་ལམ་སྤེལ་བ།
རྨི་ལམ་སྤེལ་བ་ནི། གང་རྨིས་པ་དེ་གཅིག་ལ་གཉིས། གཉིས་ལ་བཞི་ལ་སོགས་པ་ལོག་པོ་ལོག་པོར་སྤེལ་ནས་འཇིག་རྟེན་གྱི་ཁམས་ཐམས་ཅད་མེར་མེར་གང་བར་བསྒོམ་མོ། །
༈ རྨི་ལམ་སྦྱང་བ།
རྨི་ལམ་སྦྱང་བ་ནི། ཕྱི་སྣོད་ཀྱི་འཇིག་རྟེན་གཞལ་ཡས་ཁང་། ནང་བཅུད་ཀྱི་སེམས་ཅན་ཐམས་ཅད་རང་གི་ཡི་དམ་གྱི་ལྷ་དང་ལྷ་མོར་བསྒོམ། དེའི་དུས་སུ་ཉམས་སུ་མྱོང་བ་སྐྱེ་བྱ་བ་དེ་བླ་མའི་གསུང་སྒྲོས་ཡིན་གསུང་(གསུངས)། བླ་མ་ཆེན་པོའི་ཞལ་ནས་ང་རང་གིས་བསྒོམས་པ་དང་གཞན་ལ་བསྒོམ་དུ་བཅུག་པ་ཐམས་ཅད་ལ་མཐུན་པར། རྨི་ལམ་གྱི་འདུ་ཤེས་སྔོན་དུ་བཏང་བ་དང་། གཉིད་མི་འོང་བར་བྱ་བའི་ཐབས་གཉིས་བྱས་ནས། རྨི་ལམ་ལ་རྨི་ལམ་དུ་ངོ་ཤེས་པའི་དུས་སུ་བདེ་སྟོང་གི་ཉམས་སུ་མྱོང་བ་རྒྱུད་ལ་སྐྱེ་བ་ཡིན་གསུངས། སྤེལ་བ་དང་སྦྱང་(སྦྱངས་)པ་གཉིས་དེའི་ཡན་ལག་ཏུ་འགྲོ་བ་ཡིན་གསུངས། དེས་རྨི་ལམ་བར་དོ་ལ་རྨི་ལམ་དང་བསམ་གཏན་བསྲེ་བ་བཤད་དོ།། །།དེ་གཉིས་མ་ཤིའི་བར་གྱི་བསྒོམ་རྒྱུ་ཡིན། [བདེ་སྟོང་གི་ཉམས་ཅི་གར་]
2-1-36b
ཆེའོ། །དེ་གཉིས་མས་རྟགས་སྤྲིན་མཐོངས་ཀྱི་ཟླ་བ་ལྟ་བུ་འབྱུང་། སྤྲིན་གྱི་ཕག་དུ་མ་གསལ་མཐོངས་སུ་བྱུང་དུས་སུ། ལས་དང་པོ་པ་བསྒོམས་ན་གསལ་མ་བསྒོམས་ན་མི་གསལ།] དེ་ཡང་གཉིད་མི་ཉལ་བའི་དུས་སུ་རྩ་རླུང་གི་རྫོགས་རིམ་སྒོམ། གཉིད་ཉལ་བའི་དུས་སུ་རྨི་ལམ་གྱི་རྫོགས་རིམས་སྒོམ། དེ་གཉིས་གཉིས་ག་ལ་ཉམས་སྐྱེ་ན་གཉིས་ག་བསྒོམ། གཉིས་ཀ་ལ་ཉམས་མི་སྐྱེ་བར་གཏུམ་མོ་ལྟ་བུ་ལ་ཉམས་སྐྱེ་ན། རྨི་ལམ་སྒོམ་པ་བཞག་ལ་གཏུམ་མོ་སྒོམ། རྨི་ལམ་ལྟ་བུ་ལ་ཉམས་སྐྱེས་ན་གཏུམ་མོ་བཞག་ལ་རྨི་ལམ་སྒོམ་མོ། དེ་ལྟར་ན་གཉིས་ག་ལ་ཉམས་སྐྱེ་ཡང་རུང་། གང་རུང་གཅིག་ལ་ཉམས་སྐྱེ་ཡང་རུང་སྟེ། མཉམ་བཞག་རྗེས་ཐོབ་མེད་པར་ཉམས་མྱོང་སྐྱེ་བ་དཀའ། མཉམ་བཞག་གི་ཉམས་མྱོང་ཅིག་ཅིས་ཀྱང་མེད་ཐབས་མེད་གསུངས།། །།
༈ སྲིད་པ་བར་དོ་ལ་འོད་གསལ་དང་བསྲེ་བ།
མཉམ་བཞག་གི་ཉམས་མྱོང་དེ་སྲིད་པ་བར་མ་དོར་བསྲེ་བ་ལ། བར་དོ་དང་པོ་འཆི་ཀའི་འོད་གསལ་ལ་བརྟེན་ནས་ཆོས་ཀྱི་སྐུ་ངོས་གཟུང་བ་དང་། བར་དོ་གཉིས་པ་དག་པ་དང་མ་དག་པའི་སྒྱུ་ལུས་ལ་བརྟེན་ནས་ཟུང་འཇུག་[སྲིད་པ་བར་དོ།]གི་སྐུ་ངོས་གཟུང་བ་དང་། བར་དོ་གསུམ་པ་འགྲོ་དྲུག་གི་སྒོ་དགག་པ་དང་གསུམ་ཡིན་གསུངས།
༈ བར་དོ་དང་པོ་འཆི་ཀའི་འོད་གསལ་ལ་བརྟེན་ནས་ཆོས་ཀྱི་སྐུ་ངོས་གཟུང་བ།
དེ་ལ་བར་དོ་དང་པོ་འཆི་ཀའི་འོད་གསལ་ལ་བརྟེན་ནས་ཆོས་ཀྱི་སྐུ་ངོས་གཟུང་བ་ལ། བདག་རང་འཆི་
2-1-37a
བའི་དུས་སུ་ཤེད་ཀྱིས་ནུས་ན་ལུས་ཙོག་པུར་འདུག་ལ། སློབ་མའམ་གྲོགས་པོ་གཅིག་གིས་རྒྱབ་ནས་བརྟེན་ལ། ང་ཤི་ནས་ཁྱེད་ཀྱིས་ངའི་རོ་འདི་ལོང་ཡོད་ན་ཞག་གསུམ་ལོང་མེད་ན་ཞག་གཅིག་ཏུ་ཡེ་མ་སྒུལ་ཅིག་བྱས་ལ། དེ་ནས་རང་གི་ལྟེ་བ་ནས་སོར་བཞིའི་ལྐོག་ཙམ་དུ་རྩ་གསུམ་འདོམ་པའི་སོད་(སོར་)གསུམ་དུ། རྩ་པདྨ་འདབ་མ་བཞི་ལ་དབུས་ཀྱི་ལྟེ་བ་དང་[ནད་གཡོག་པ་དེས་ཀྱང་བརྟེན་པ་དེ་གོ་ལེ་ལངས་སོ་རོ་མ་འགུལ་བར་བསྒུལ་ན་འདི་འོད་གསལ་མི་ཟིན་པས་གཅིག་ཏུ་ཡེ་མ་བསྒུམ(བསྒུལ།)[ནད་གཡོག་པ་དེས་ཀྱང་བརྟེན་པ་དེ་གོ་ལེ་ལངས་སོ་རོ་མ་འགུལ་བར་བསྒུལ་ན་འདི་འོད་གསལ་མི་ཟིན་པས་གཅིག་ཏུ་ཡེ་མ་བསྒུམ(བསྒུལ།)]] བཅས་པ་ཅིག་བསྒོམ། དབུས་ཀྱི་ལྟེ་བ་ལ་ཡི་གེ་ཨ་ཅིག་བསྒོམ། མདུན་གྱི་པདྨ་ཨ། ཁ་དོག་{དམར་པོའི་གཡས་ཀྱི་འདབ་མ་རུ་ལ་ནུ། རྒྱབ་ཀྱི་}འདབ་མ་ལ་ཏ། གཡོན་གྱི་འདབ་མ་ལ་ར་གསལ་བར་བསྒོམས་ལ། དེ་ནས་འབྱུང་བ་ས་ཆུ་ལ་ཐིམ་པའི་དུས་སུ། ནད་གཡོག་པས་བལྟ་རྒྱུ་ལ་ལུས་ཟུངས་ནི་ངོ་གདོང་ས་གོས་པ་རྣ་བ་ཆག་པ་སྣ་ཞོམ་པ་ཅིག་འབྱུང་། དེའི་དུས་སུ་དང་པོ་འཆི་བ་པོ་རང་གི་ཤེས་པ་ལ་སྣང་གྲགས་ཀྱི་ཆོས་ཐམས་ཅད་སྤྲིན་གྱི་རྣམ་པ་ལྟ་བུ་ལོང་ལོང་བ་ཅིག་འབྱུང་། དེ་ལྟར་ཡང་གུར་ལེའུ་བཞི་པ་ནས། དང་པོ་སྤྲིན་གྱི་རྣམ་པ་སྟེ། ཞེས་བཤད་པས། དེའི་དུས་སུ་མདུན་གྱི་ཨ་ལ་ཤེས་པ་གཞག དེ་ནས་ཆུ་མེ་ལ་ཐིམ་པའི་དུས་སུ་ནད་གཡོག་པས་བལྟ་རྒྱུ་ལ་ཁ་ཆུ་དང་སྣ་ཆུ་ཐམས་ཅད་འོར་ཅིག་ཕྱིར་བྱུང་ནས་དེ་ནས་
2-1-37b
སིང་གིས་སྐམས་ནས་འགྲོ། འཆི་བ་པོ་རང་གི་ཤེས་པ་ལ་སྣང་གྲགས་ཀྱི་ཆོས་ཐམས་ཅད་དུ་བའི་རྣམ་པ་ལྟ་བུ་བུན་བུན་པ་ཞིག་འབྱུང་། དེ་ལྟར་ཡང་། གཉིས་པ་དུ་བ་ལྟ་བུའོ། །ཞེས་བཤད་པས། དེའི་དུས་སུ་གཡས་ཀྱི་ནུ་ལ་ཤེས་པ་གཞག དེ་ནས་མེ་རླུང་ལ་ཐིམ་པའི་དུས་སུ་ནད་གཡོག་པས་ལྟ་རྒྱུ་ལ་ལུས་ཀྱི་དྲོད་ཤོར་རྡོ་བ་བཞིན་དུ་གྲང་ལྷང་གིས་འགྲོ། འཆི་བ་པོ་རང་གི་ཤེས་པ་ལ་སྣང་གྲགས་ཀྱི་ཆོས་ཐམས་ཅད་སྲིན་བུ་མེ་ཁྱེར་གྱི་རྣམ་པ་ལྟ་བུ་ཆེས་མི་གསལ་བ་ཅིག་འབྱུང་། དེ་ལྟར་ཡང་། གསུམ་པ་སྲིན་བུ་མེ་ཁྱེར་དངོས། ཞེས་བཤད་པས་དེའི་དུས་སུ་རྒྱབ་ཀྱི་ཏ་ལ་ཤེས་པ་བཞག དེ་ནས་རླུང་རྣམ་པར་ཤེས་པ་ལ་ཐིམ་པའི་དུས་སུ། [ལེན་པ་སྐད་ཅིག་མ་གཅིག་ལ།] ནད་གཡོག་པས་ལྟ་རྒྱུ་ལ་དབུགས་ངར་ངར་པོ་ཤ་ཤྭ་པོ་འབྱུང་། དེ་ནི་འཆི་བ་པོ་རང་གི་ཤེས་པ་ལ་སྣང་གྲགས་ཀྱི་ཆོས་ཐམས་ཅད་མར་མེའི་རྣམ་པ་ལྟ་བུ་བཀྲ་ལམ་མེ་གསལ་བ་གཅིག་འབྱུང་། དེ་ལྟར་ཡང་། བཞི་པ་མར་མེ་གསལ་འབར་བའོ། །ཞེས་བཤད་པས་དེའི་དུས་སུ་གཡོན་གྱི་ར་ལ་ཤེས་པ་བཞག དེ་ནས་རྣམ་པར་ཤེས་པ་སྣང་བ་སྣང་བ་རགས་[ཡུན་རིང་བ་མིན་པར་སྐད་ཅིག་མ་གཅིག་ལ།] པ་རགས་པ་ཕྲ་བ་ཕྲ་བ་ཤིན་ཏུ་འཕྲ་བ་ལ་ཐིམ་པའི་དུས་སུ་ནད་གཡོག་པས་ལྟ་རྒྱུ་ལ། ལུས་ལ་གཡོ་འགུལ་མེད་
2-1-38a
དབུགས་ལ་འབྱུང་རྔུབ་མེད་དེ་ནད་པ་དེ་ཤི་ནས་གདའ་བྱ་བ་ལས་མེད། འཆི་བ་པོ་རང་གི་ཤེས་པ་དེ་ཅུང་ཞིག་མི་འཕོ། དེའི་དུས་སུ་དབུས་ཀྱི་ཡི་གེ་ཨ་ལ་ཤེས་པ་བཞག་ལ་སྔར་གྱི་བསྒོམས་པའི་ཉམས་ལ་བློ་ལྡེང་གིས་བཞག་པས། དེའི་དུས་སུ་སེམས་ཅན་ཐམས་ཅད་ལ་ཆོས་ཀྱི་སྐུ་ཅི་ལྟ་བ་ཅིག་རང་ཤུགས་ཀྱིས་རྒྱུད་ལ་སྐྱེ་བ་དང་། སྔར་གྱི་བསྒོམ་ཉམས་གཉིས་འདྲེས་ན་དེ་ཉིད་དུ་འབྲས་བུ་ཆོས་ཀྱི་སྐུ་ཐོབ་པ་ཡིན། དེ་ལྟར་ཡང་། ལྔ་པ་རྟགས་སུ་སྣང་བ་ནི། སྤྲིན་མེད་ནམ་མཁའ་ལྟ་བུའོ། །ཐམས་ཅད་མཁྱེན་པ-འི-་རྒྱུ་དེ་སྟེ། །དངོས་གྲུབ་ངེས་བཟུང་ཉེ་བ་ཡིན། །ཞེས་པས་བར་དོར་རྣམ་པ་ཐམས་ཅད་དུ་ལྡང་མི་སྲིད་གསུང་ངོ་།། །།དེ་རྣམས་རྒྱུད་ཀྱི་བཤད་པ་དང་བསྟུན་པ་ཡིན། ལག་ལེན་ལ་དེ་རྣམས་འགྱངས་ལྡས་འགྲོ་བས་རྩ་གསུམ་འདོམ་པའི་མདོ་གསུམ་དུ་རྩ་པདྨ་འདབ་མ་བཞི་ལ་དབུས་[འདི་ལ་ཕྱི་རྟགས་དེ་བྱུང་ན་རྟོགས་སླ་བ་ཟེར་ལྟ་བུ་འབྱུང་བ་ལས་སོགས་ཀྱང་གསུངས་པ་ལགས་གསུང་ངོ་། །[འདི་ལ་ཕྱི་རྟགས་དེ་བྱུང་ན་རྟོགས་སླ་བ་ཟེར་ལྟ་བུ་འབྱུང་བ་ལས་སོགས་ཀྱང་གསུངས་པ་ལགས་གསུང་ངོ་། །བླ་ཆེན།]བླ་ཆེན།] ཀྱི་ལྟེ་བ་དང་བཅས་པ་ཅིག་བསྒོམ། དབུས་ཀྱི་ལྟེ་བ་ལ་ཡི་གེ་ཨ་ཅིག་བསྒོམ། མདུན་གྱི་ལ་ཨ། གཡས་སུ་ནུ། རྒྱབ་ཏུ་ཏ། གཡོན་དུ་ར། གསལ་བར་བསྒོམས་ནས། རྟགས་ཚོ་མ་བྱུང་ཡང་རུང་བྱུང་ཡང་རུང་སྟེ། དང་པོ་མདུན་གྱི་ཨ་ལ་ཤེས་
2-1-38b
པ་བཞག དེ་ནས་ནུ། དེ་ནས་ཏ། དེ་ནས་ར་ལ་ཤེས་པ་བཞག་དེ་ནས་དབུས་ཀྱི་ཨ་ལ་ཤེས་པ་དུར་གྱིས་བཅུག་ནས་སྔར་གྱི་སྒོམ་པའི་ཉམས་ལ་བློ་ལྡེང་གིས་བཞག་སྟེས། དེའི་དུས་སུ་སེམས་ཅན་ཐམས་ཅད་ལ་ཆོས་ཀྱི་སྐུ་ཇི་ལྟ་བ་ཅིག་རང་ཤུགས་ཀྱིས་རྒྱུད་ལ་སྐྱེ་བ་དང་། སྒོམས་པའི་ཉམས་གཉིས་འདྲེས་ནས་འབྲས་བུ་ཆོས་སྐུ་ཐོབ་པ་ཡིན། དེ་ནས་བར་དོ་རྣམ་པ་ཐམས་ཅད་དུ་ལྡང་མི་སྲིད་པ་ཡིན་གསུངས། [བར་དོ་ཟིན་པའི་རྟགས་སུ།] དེའི་རོ་ཡང་འོད་དང་ལྡན་པ་ཁ་དོག་དང་ལྡན་པ་སྐུམ་ཞུ་ལེ་བ་ཞིག་འབྱུང་བ་ཡིན་གསུངས། དེས་ནི་བར་དོ་དང་པོ་འཆི་ཁའི་འོད་གསལ་ལ་བརྟེན་ནས་ཆོས་སྐུ་ངོས་གཟུང་བར་བཤད་དོ།། ༈ །།
༈ བར་དོ་གཉིས་པ་དག་པ་དང་མ་དག་པའི་སྒྱུ་ལུས་ལ་བརྟེན་ནས་ཟུང་འཇུག་གི་སྐུ་ངོས་གཟུང་བ།
དེ་ནས་བར་དོ་གཉིས་པ་དག་པ་དང་མ་དག་པའི་སྒྱུ་ལུས་ལ་བརྟེན་ནས་ཟུང་འཇུག་གི་སྐུ་ངོས་གཟུང་བ་ལ། བར་དོ་དང་པོ་འཆི་ཁའི་འོད་གསལ་ལ་བརྟེན་ནས་ཆོས་སྐུ་ངོས་མ་ཟིན་ན་ཤི་ནས་བར་དོ་ཞག་གཉིས་ཚན་གཅིག་གནས་ཀྱང་གཉིས་ཚན་དང་པོ་ལ་མ་ཟིན་ན། དེ་ནས་ཟིན་པར་དཀའ་བ་ཡིན་པས་[དེའི་ཁུ་བ་ནི་གུར་ལེའུ་བཞི་པ་ནས་ཕྱིར་ནི་སྒྱུ་མའི་རྣམ་པ་མཚུངས་རྨི་ལམ་ནམ་སྐད་ཅིག་འགྱུར་ཞེས་པས།] ཞག་བདུན་ཚན་དང་པོ་ལ་འཛིན་དགོས། [དབུགས་ཀྲག་གིས་ཆད་ནས།] གཉིས་ཚན་དང་པོ་ལ་ཞག་ཕྱེད་དང་[བདུན་ཚན་དང་པོ་བགོས་ནས།] བཞིར་འདས་པ་རྗེས་སུ་དྲན་པ་འབྱུང་། ཞག་ཕྱེད་དང་བཞིར་
2-1-39a
མ་འོངས་པ་རྗེས་སུ་དྲན་པ་འབྱུང་། དེ་ཡང་འདས་པ་རྗེས་སུ་དྲན་པ་བྱ་བ་དེ་བདག་ཤི་བ་ཡིན། རོ་འདི་ཡང་བདག་གི་རོ་ཡིན་སྙམ་པ་འབྱུང་། རང་གི་སློབ་མ་དང་གྲོགས་པོ་དང་སྤུན་ཟླ་ལ་སོགས་པ་ཐམས་ཅད་ཀྱང་གསལ་བར་དྲན་པ་ཞིག་འབྱུང་། དེའི་དུས་སུ་བར་དོ་དང་པོ་ལ་ཆོས་སྐུ་ངོས་མ་ཟིན་པར་འདུག་པས། ད་བར་དོ་གཉིས་པ་ཟུང་འཇུག་གི་སྐུ་ངོས་ཟིན་པར་བྱའོ་སྙམ་པ་ཡིད་ལ་བྱ། དེ་ནས་ཡིད་ཀྱི་ལུས་དེ་རང་[མཆོད་པས་མཆོད་ནས་ཐམས་ཅད།] གི་ཡི་དམ་གྱི་ལྷ་དཔལ་དགྱེས་པ་རྡོ་རྗེར་བསྒོམ། རང་གི་སེམས་རྫོགས་པའི་རིམ་པ་ཟབ་མོའི་དོན་སྔར་གྱི་བསྒོམ་པའི་ཉམས་ལ་བློ་ལྡེང་གིས་བཞག་ལ། ཞག་ཕྱེད་དང་བཞིར་བསྐྱེད་རྫོགས་གཉིས་བར་མ་ཆད་པར་བསྒོམས་པས་དེ་ཉིད་དུ་འབྲས་བུ་ཟུང་འཇུག་གི་སྐུ་ཐོབ་པ་ཡིན་གསུང་(གསུངས)། དེས་ནི་བར་དོ་གཉིས་པ་དག་པ་དང་མ་དག་པའི་སྒྱུ་ལུས་ལ་བརྟེན་ནས་ཟུང་འཇུག་གི་སྐུ་ངོས་གཟུང་བ་བཤད་དོ། །དེ་ནས་བར་དོ་གསུམ་པ་འགྲོ་དྲུག་གི་སྒོ་དགག་པ་ལ་ཞག་ཕྱེད་དང་བཞིར་འདས་པ་རྗེས་སུ་དྲན་པའི་དུས་སུ་ཟུང་འཇུག་གི་སྐུ་ངོས་མ་ཟིན་ན། ད་ཞག་ཕྱེད་དང་བཞིར་མ་འོངས་པ་རྗེས་སུ་དྲན་པའི་དུས་སུ་འགྲོ་དྲུག་གི་སྒོ་དགག་དགོས་པ་ཡིན། དེ་ཡང་མ་འོངས་པ་རྗེས་སུ་དྲན་པ་ནི་རང་རེ་གར་སྐྱེ་ཤེས་
2-1-39b
པ་གཅིག་འོང་སྟེ། ལྷར་སྐྱེའམ་མིར་སྐྱེའམ་ལྷ་མ་ཡིན་དུ་སྐྱེའམ། གར་སྐྱེ་བ་དེའི་ཕ་མ་དང་རང་རེའི་རྣམ་པ་ཝལ་ལེ་ཝལ་ལེ་དྲན་པ་ཞིག་འབྱུང་། དེའི་དུས་སུ་རང་གི་ཕ་རྡོ་རྗེ་སློབ་དཔོན་དུ་བསྒོམ། མ་རྡོ་རྗེ་སློབ་དཔོན་གྱི་ཡུམ་དུ་བསྒོམས་ལ། སློབ་དཔོན་ཡབ་ཡུམ་ལ་དབང་བསྐུར་ཞུ་བ་[ངན་སོང་གསུམ་དུ་སྐྱེ་བ། དུད་འགྲོར་སྐྱེ་བའམ།] དང་གདམས་ངག་གི་གསལ་བ་འདེབས་པར་བསྒོམས་པས། བླ་མ་ཡབ་ཡུམ་ལ་ཆགས་སྡང་མི་སྐྱེ་སྟེ་སྐྱེ་བ་ལེན་མི་སྲིད་གསུང་(གསུངས།) ཡང་ན་ཕ་མ་གཉིས་དགྱེས་པ་རྡོ་རྗེ་ཡབ་ཡུམ་དུ་བསྒོམས་པས། ཡི་དམ་གྱི་ལྷ་ལ་ཆགས་སྡང་མི་སྐྱེ་བས་དེས་སྐྱེ་བ་ལེན་མི་སྲིད་པ་ཡིན་གསུང་། དེས་ནི་བར་དོ་གསུམ་པ་འགྲོ་དྲུག་གི་སྒོ་དགག་པ་བཤད་དོ།། ༈ །།
༈ བར་དོ་གསུམ་པ་འགྲོ་དྲུག་གི་སྒོ་དགག་པ།
དེས་འགྲོ་དྲུག་གི་སྒོ་མ་ཁེགས་ན་ད་ལུས་ལེན་པས། མངལ་གྱི་སྒོ་བསྡམ་པ་[གདམས་(བསྡམ་)[གདམས་(བསྡམ་)པ་གསུང་(གསུངས)]]བྱེད་དགོས་པ་ཡིན་གསུངས། དེ་ལ་རང་དབང་མེད་པར་ལུས་ལེན་མི་སྲིད་པས། ལྷའམ་མི་ཆོས་བྱེད་པ་ཞིག་གི་བུར་སྐྱེ་བར་བྱའོ་སྙམ་པའི་སེམས་ཀྱིས་འཕེན་པ་བཏང་པས། སྔར་བླ་མས་དབང་བསྐུར་བ་དང་རང་གིས་བསྐྱེད་རིམ་བསྒོམས་པའི་སྟོབས་ཀྱིས་རང་གར་འདོད་པའི་རིགས་སུ་སྐྱེའོ། །[ལྷའི་དབང་པོ་བརྒྱ་བྱིན་ལྟ་བུའི་བུར་སྐྱེ་བར་ཤོག་ཅིག ཙཀྲ་སྒྱུར་བའི་ཆོས་བྱེད་པ་ཅིག་གི་བུར་སྐྱེ་བར་ཤོག་ཅིག་པའོ། །[ལྷའི་དབང་པོ་བརྒྱ་བྱིན་ལྟ་བུའི་བུར་སྐྱེ་བར་ཤོག་ཅིག ཙཀྲ་སྒྱུར་བའི་ཆོས་བྱེད་པ་ཅིག་གི་བུར་སྐྱེ་བར་ཤོག་ཅིག་པའོ། །]]རིགས་སུ་སྐྱེའོ། །དེས་ནི་རིགས་
2-1-40a
དྲུག་ཏུ་སྐྱེ་བའི་སྒོ་མ་ཁེགས་ན་མངལ་བསྡམ་པ་བཤད་དོ།། །།དེ་ལྟར་བྱས་པའི་འཆི་ཀའི་འོད་གསལ་ལ་བརྟེན་ནས་ཆོས་སྐུ་ངོས་གཟུང་བ་དེ་ཚེ་འདི་ལ་སངས་རྒྱ་བའི་ཐབས་བཤད་པ་ཡིན། དག་པ་དང་མ་དག་པའི་སྒྱུ་ལུས་ལ་བརྟེན་ནས་ཟུང་འཇུག་གི་སྐུ་ངོས་གཟུང་བ་དང་། འགྲོ་དྲུག་གི་སྒོ་དགག་པ་གཉིས་བར་མ་དོར་སངས་རྒྱ་བའི་ཐབས་བཤད་པ་ཡིན། དེ་ལྟར་ན་བསྲེ་བའི་མན་ངག་བྱ་བ་དེ་ལ། སྐྱེ་ཤི་བར་དོ་ལ་བསྐྱེད་རྫོགས་གཉིས་ཀྱི་གདམས་ངག་དང་བསེ། [དེ་ལ་དབང་བཞི་རྒད་ཤོག་(རྒོད་གཤོག་)[དེ་ལ་དབང་བཞི་རྒད་ཤོག་(རྒོད་གཤོག་)པ་རླུང་གིས་ཁྱེར་བ་ལྟར་མི་འོང་སྟེ་རང་ལ་དབང་ཡོད་པས་བླ་མ་ཆེན་པོ་དབང་དང་བསྐྱེད་རིམ་རྫོགས་རིམ་དེ་རྣམས་ཀྱི་རང་ལ་དབང་ཡོད་ཡིན།]པ་རླུང་གིས་ཁྱེར་བ་ལྟར་མི་འོང་སྟེ་རང་ལ་དབང་ཡོད་པས་བླ་མ་ཆེན་པོ་དབང་དང་བསྐྱེད་རིམ་རྫོགས་རིམ་དེ་རྣམས་ཀྱི་རང་ལ་དབང་ཡོད་ཡིན།] རྨི་ལམ་བར་དོ་ལ་རྨི་ལམ་དང་བསམ་གཏན་བསྲེ། དེ་གཉིས་མ་ཤིའི་བར་གྱི་བསྒོམ་རྒྱུ་ཡིན། དེ་གཉིས་ལ་སྒོམ་པའི་ཉམས་ཡོད་པ་ཅིག་(ཞིག་)གིས་སྲིད་པ་བར་དོར་བསྲེ་བ་ལ། བར་དོ་དང་པོ་འཆི་ཁའི་འོད་གསལ་ལ་བརྟེན་ནས་ཆོས་སྐུ་ངོས་གཟུང་བ་དང་། བར་དོ་གཉིས་པ་དག་པ་དང་མ་དག་པའི་སྒྱུ་ལུས་ལ་བརྟེན་ནས་ཟུང་འཇུག་གི་སྐུ་ངོས་གཟུང་བ་དང་། བར་དོ་གསུམ་པ་འགྲོ་དྲུག་གི་སྒོ་དགག་པ་དང་གསུམ་དུ་བྱས་ན་བསྲེ་བའི་མན་ངག་བསྒོམས་ནས་སངས་རྒྱ་བའི་ཐབས་སྐད་དོ།། ༈ །།དེ་ལྟར་ན་བསྲེ་བའི་[ད་དེ་ལ་ར་ཏ་ན་(རཀྟ་)[ད་དེ་ལ་ར་ཏ་ན་(རཀྟ་)ལ་མཆོད་པ་
2-1-40b
དང་བྷ་ལི་(ལིང་)གཏང་བ་དང་མཚན་བབས་སམ་ཆོས་སྤྱོད་ཐམས་ཅད་དེའི་མཐུན་རྐྱེན་དུ་འགྲོ་བ་ཡིན་གསུང་བླ་མ་ཆེན་པོ་(པོས་)གསུང(གསུང་ངོ་། །]]མན་ངག་བཤད་ནས། ད་འཕོ་བའི་མན་ངག་བྱ་བ་དེ་ཡིན། དེ་ཡང་བླ་མའི་ཞལ་ནས་བསྒོམ་ན་སངས་རྒྱས་ཀུན་ཀྱང་རྒྱ། །མ་བསྒོམ་རྒྱ་ན་རྒྱ་བ་ཡིན། །གསུངས་པས། འཕོ་བའི་མན་ངག་མ་བསྒོམ་པར་སངས་རྒྱ་བའི་ཐབས་འདི་ལ། སྦྱངས་ཏེ་འཕོ་བ་དང་། བཙན་ཐབས་སུ་འཕོ་བ་དང་། ལུས་བཅོས་ཏེ་འཕོ་བ་དང་གསུམ་ཡིན་གསུང་(གསུངས།) དེ་ལ་དང་པོ་སྦྱངས་ཏེ་འཕོ་བ་ལ། རླུང་སྦྱང་བ་དང་། འཕོ་བ་སྦྱང་བ་དང་། འཕོ་བ་དང་པོ་དང་གསུམ་ཡིན་གསུང་(གསུངས།) རླུང་སྦྱང་བ་སྟན་བདེ་བའི་སྟེང་དུ་འདུག་ནས། རྐང་པ་གཡས་པའི་མཐིལ་རྐུབ་ཚོས་གཡོན་པ་ལ་གཏད། རྐང་པ་གཡོན་པའི་མཐིལ་རྐུབ་ཚོས་གཡས་པ་ལ་གཏད། སྒལ་ཚིགས་དྲང་ཐར་གྱིས་བསྲང་། ཏོང་འོག་ཡིད་ཙམ་དགུག ལྟེ་བ་ནས་སོར་བཞིའི་འོག་ཏུ་མཉམ་བཞག་གི་མུ་དྲས་དམ་དུ་བསྡམ། དེ་ནས་རླུང་ཕྱིར་འགྲོ་ནང་འགྲོ་ལན་བཅུ་ཙམ་བྱས་ནས་རླུང་རྣལ་དུ་ཕབ་ལ། རླུང་ཕྱིར་ཁྲུ་གང་ཙམ་དུ་བཏང་ནས་ནང་དུ་རྔུབས་ལ། སྟེང་རླུང་འོག་རླུང་ཐུབ་ཚད་དུ་བསྡམ། མི་ཐུབ་ན་སྣ་བུག་ན་ཕར་དལ་བུས་བཏང་། གཞན་དག་ལ་འདི་དུམ་བུར་སྟོན་ན། རླུང་བུམ་པ་ཅན་ལ་སློབ་ཏུ་གཞུག་གསུང་(གསུངས།) དེ་ལྟར་བསླབ་པས་རླུང་ཁེགས་
2-1-41a
པའི་ཚད་ལ། སློབ་དཔོན་ངག་གི་དབང་ཕྱུག་གྲགས་པས་དཀྱིལ་ཀྲུང་བྱས་ལ་ལག་པ་གཡོན་པས་ཕྲེང་བ་བཟུང་བ་དང་། ལག་གཡས་པའི་མཐིལ་པུས་མོ་ལ་ལན་གསུམ་བསྐོར་ནས་སེ་གོལ་ཅིག་གཏོགས་ལ། སེ་གོལ་རེ་རེ་ལ། ཕྲེང་རྡོག་རེ་རེ་བགྲངས་པས་འཕྲེང་རྡོག་དུ་འདུག་བལྟ་གསུང་སྟེ། ལག་ལེན་ལ་དེས་མི་འོང་བས། རང་གི་སློབ་མའམ་གྲོགས་པོ་ཅིག་མདུན་དུ་བཞག་ལ། རང་གི་གོང་དུ་བསྟན་པ་བཞིན་དུ་ལུས་བཅོས་ནས། རླུང་མ་ཐུབ་ན་སེ་གོལ་གྱི་བརྡ་ཅིག་བྱ། མདུན་གྱི་གྲོགས་དེས་ཁོ་རང་གི་རླུང་འབྱུང་འཇུག་གནས་པ་གསུམ་ལ་ཁུག་པ་གཅིག་ཏུ་བརྩིས་པའི་ཁུག་པ་རེ་རེ་ལ་འཕྲེང་རྡོག་རེ་རེ་བགྲང་། སེ་གོལ་གྱི་བརྡ་བྱུང་བ་དང་འཕྲེང་བ་འདྲེན་འཕྲོ་བཅད་ལ་འཕྲེང་རྡོག་དུ་འདུག་བལྟ། དེ་ཡང་རབ་ཀྱིས་རླུང་ཁུག་པ་བརྒྱ་རྩ་བརྒྱད། འབྲིང་གིས་བདུན་ཅུ་རྩ་གཉིས། ཐ་མས་སོ་དྲུག་ཁེགས་དགོས་པ་ཡིན་ཏེ། འཕོ་བ་བྱེད་པ་ལ་ཐ་མ་དེ་ཁེགས་པས་ཆོག་གསུང་(གསུངས།) རླུང་ཁུག་པ་[ཐ་མ།] སོ་དྲུག་མ་ཁེགས་ཀྱི་བར་དུ་སྦྱང་། དེ་ནི་རླུང་སྦྱང་བའོ། དེ་ནས་འཕོ་བ་སྦྱང་བ་ལ་ཞག་བདུན་སྦྱངས་པས་ཆོག་པ་ཡིན་གསུང་། དེ་ཡང་གོང་དུ་བསྟན་པ་བཞིན་ལུས་བཅོས་ནས། སྒོ་དགུ་ཡི་གེ་དགུས་དགག་པ་ལ་སྤྱི་བོ་ཚངས་པའི་བུ་གར་ཀྵུཾ། 
2-1-41b
མིག་གཉིས་དང་སྨིན་མཚམས་སུ་ཧཱུ་རེ་རེ། རྣ་བ་གཉིས་དང་སྣ་བུག་གཉིས་སུ་ཡུཾ་རེ་རེ། ཁར་སུཾ། ལྟེ་བར་སྨྼྻུཾ། འོག་སྒོ་དང་རྡོ་རྗེའི་བུམ་པར་ཀྵུཾ་བསྒོམས་ལ། དེ་ནས་རང་གི་ལྟེ་བ་ནས་སོར་བཞིའི་ལྐོག་རྩ་གསུམ་འདོམ་པའི་མདོ་གསུམ་དུ་སེམས་ཀྱི་རྒྱལ་པོ་ཡི་གེ་ཨར་གནས་པ་དེ་ཧིག་ཉེར་གཅིག་དྲག་པར་བརྗོད་པས། སྒལ་ཚིགས་ཉེར་གཅིག་གི་སྟེང་དུ་ཡར་དྲངས་ལ་ཀླད་པའི་སྟེང་ཐོད་པའི་འོག་ཏུ་དྲང་ངོ་། །དེ་ནས་རླུང་ཕྱིར་འགྲོ་ནང་འགྲོ་ཉེར་གསུམ་ཙམ་བྱས་ལ་ངལ་བསོ་སྟེ། ཀ་ཧིག་ཉེར་གཅིག་པ་ཤིན་ཏུ་དྲག་པར་བརྗོད་པས་མར་དྲངས་ལ་ལྟེ་བར་བཞག དེ་བཞིན་དུ་ཡར་དྲང་མར་དྲང་ཞག་རེ་ལ་ཐུན་དྲུག་ཏུ་བྱས་ལ་བསྒོམ་མོ། །ཐུན་འཚམས་(མཚམས་)སུ་ལུས་ངག་གི་བྱ་བ་བྱེད་པའི་དུས་སུ་སྤྱི་བོར་བཞག་ན། དྲག་ཤུལ་ལམ་སྐྱིག་བུའི་འགྲོག་ལ་ཤི་ཉེན་ཡོད་པས་མར་དྲངས་ལ་ལྟེ་བར་བཞག་གསུངས། དེ་ལྟར་བསླབས་པས་འཕོ་བ་འབྱོངས་པའི་རྟགས་ནི། སྔ་ན་བས་ཟས་མང་དུ་ཡོག་པ་ཅིག་(ཞིག་)འོང་། ལུས་ལ་དྲོད་ཆེ་བ་ཅིག་(ཞིག་)འོང་། དཔྲལ་བ་ཚ་ལམ་ལམ་འབྱུང་། སྤྱི་བོ་རྡོལ་དེ་འགྲོ་སྙམ་པ་འབྱུང་། རྟགས་དེ་ཚོ་ཡང་འབྱུང་འབྱུང་སྟེ། བླ་མའི་ཞལ་ནས་རླུང་སེམས་ལྟེ་བ་ནས་ཧིག་ཉེར་གཅིག་ཡར་འདྲོངས། ངལ་བསོས་ན་ཀ་ཧིག་ཉེར་གཅིག་གིས་མར་
2-1-42a
ལ་དྲོངས་ན་འབྱོངས་པའི་ཚད་དེ་ཡིན་གསུངས། དེ་ལ་བླ་མའི་ཞལ་ནས་ལོ་ཉི་ཤུ་ཙམ་ལ་འཕོ་བ་སྦྱངས་ནས། དེ་ནས་བཞག་སྟེ་ལོ་བཞི་བཅུ་ཐམ་པ་ན་འཕོ་བར་འདོད་ན་འཕོས་པས་ཆོག་པ་ཡིན་གསུངས། དེ་ནི་འཕོ་བ་སྦྱང་བའོ།། །།ད་འཆི་རྟགས་བྱུང་ན་འཆི་སླུ་བྱ། དེས་ཀྱང་མ་བཟློགས་པར་འཆི་ངེས་པའི་ནད་ཀྱིས་ཐེབས་ན་འཕོ་བ་ལ། འཆི་འཕོ་མཚན་མ་མཐོང་བ་ཡིས། །འཆི་བར་གྱུར་པའི་དུས་བྱུང་ན། །རིམས་ལ་སོགས་པའི་མ་ཕོག་པར། །འཕོ་བར་སྦྱོར་བ་མཆོག་ཡིན་ནོ། །ཞེས་བཤད་པས། རང་གི་ཡི་དམ་གྱི་ཐང་སྐུ་མདུན་[གདན་བཞི་རྩ་རྒྱུད་ནས།] དུ་བཀྲམ་ལ། སེམས་ཡི་དམ་ལྷ་དང་བླ་མ་མདུན་གྱི་ནམ་མཁར་སྤྱན་དྲངས་ལ་གོང་དུ་བསྟན་པ་བཞིན་དུ་ལུས་བཅོས་གོང་དུ་དོག་སྒོ་དགུ་ཡི་གེ་དགུས་བཀག་ལ། ལྟེ་བ་ནས་སོར་བཞིའི་ལྐོག་རྩ་གསུམ་འདོམ་པའི་འདོན་སུམ་ན། སེམས་ཀྱི་རྒྱལ་པོ་ཡི་གེ་ཨར་གནས་པ་དེ་ཧིག་ཉེར་གཅིག་གིས་ཡར་དྲང་། ཀ་ཧིག་ཉེར་གཅིག་གིས་མར་དྲང་། དེ་ནི་ཉམས་སད་པ་ཡིན། དེ་ནས་རྐང་མཐིལ་གཉིས་སྐུ་གཡས་གཡོན་གཉིས་མཆན་ཁུང་གཉིས་སུ་ཡཾ་ལས་རླུང་གི་དཀྱིལ་འཁོར་དུ་བསྒོམ། སྙིང་པདྨ་འདབ་བཞི་པའི་ཕྱོགས་བཞིར་ཡུཾ་ལས་རླུང་གི་དཀྱིལ་
2-1-42b
འཁོར་བཞི་བསྒོམ། དེ་ནས་རླུང་གཡོས་ཏེ་འུར་འུར་ཚག་ཚག་གི་སྒྲ་དང་བཅས་པས། སྙིང་པདྨ་ཁ་ཐུར་ལ་ལྟ་བ་དེ་གྱེན་དུ་ཕྱེ་སྟེ། སེམས་ཀྱི་རྒྱལ་པོ་ཧཱུྃ་དུ་གནས་ཏེ་ཏེགས་ཏེགས་འདུག་པར་བསྒོམ། རང་གི་སེམས་ཀྱི་རྒྱལ་པོ་ལྟེ་བའི་ལྐོག་ན་ཨ་གནས་པ་དེ་ཧིག་གཉིས་བརྗོད་པས་སྒལ་ཚིགས་ཉེར་གཅིག་གི་སྟེང་དུ་དྲངས་ལ། སྤྱི་བོའི་ཧཱུཾ་དེ་མེད་པར་ཟོ་བ་ཞབས་བཏོན་པ་བཞིན་དུ་ཧར་རེ་བསྒོམས་ལ། ཧིག་ཅེས་བརྗོད་པའི་བ་ཐག་གི་རྣམ་པ་ལྟ་བུ་དེ་བཅད་ནས་ཡི་དམ་ལྷའི་ཐུགས་ཀར་རྒྱངས་ཀྱིས་འཕོས་པར་བསྒོམ། དེ་ནས་རང་ལྷའི་རྣམ་པ་གསལ་བར་བསྒོམ། དེ་ལ་མ་འཕོས་ན་ཉེར་གསུམ་པ་དང་རྩ་བཞི་པ་དང་། ཉེར་བཞི་ལ་ངེས་པར་འཕོའོ། དེས་ནི་སྦྱངས་ཏེ་འཕོ་བ་བཤད་དོ།། །།
༄། །འཕོ་བའི་མན་ངག་ལ། བཙན་ཐབས་སུ་འཕོ་བ།
བཙན་ཐབས་སུ་འཕོ་བ་ནི། སྦྱངས་ཏེ་འཕོ་བ་བྱེད་མ་ཁོམ་པར་གློ་བུར་དུ་འཆི་ངེས་པའི་ནད་གླད་པ་ལུག་པའམ། རྒྱུ་མ་ཆད་པ་ལ་སོགས་པའི་ནད་ཀྱིས་ཐེབས་ན། བཙན་ཐབས་སུ་འཕོ་བ་ལ། ཡེ་ཤེས་བཙན་ཐབས་སུ་སྐྱེ་བའི་ཐབས་དང་། བཙན་ཐབས་སུ་འཕོ་བ་གཉིས་ལས། དང་པོ་ནི་སྟན་བདེ་བའི་སྟེང་དུ་ལུས་ཙོག་བུར་འདུག་ནས། ཨ་ལོང་མདུད་པ་ལན་གསུམ་གཡོན་དུ་གཅུས་ལ་དེ་ནས་དྲང་པ་བཞག་ལ་རྩ་རྦ་རླབས་དལ་བུས་
2-1-43a
བཙིར། དམིག་ཟིམ་མེ་བྱས་ལ་མིག་འབྲས་མི་བསྒུལ། རང་གི་སྨིན་མཚམས་སུ་ཐིག་ལེ་དཀར་ལ་འཚེར་བ་སྣུམ་པ་འདྲིལ་བ་སྲན་རྡོག་ཙམ་གཅིག་དཀར་རིལ་རིལ་འདུག་པར་བསྒོམ། དེ་ནི་ཡེ་ཤེས་བཙན་ཐབས་སུ་སྐྱེ་བའི་ཐབས་སོ། །གཉིས་པ་ལ་ལུས་ཙོག་བུར་འདུག་ནས་སེམས་ཀྱིས་ཡི་དམ་གྱི་ལྷ་དང་བླ་མ་མདུན་གྱི་ནམ་མཁར་སྤྱན་དྲངས་ལ། ཨོལ་མདུད་པ་ལན་གསུམ་གཡོན་དུ་དྲག་པར། དེ་ནས་སྤྱི་བོ་ཟོ་བ་ཞབས་ཕྱུང་བ་བཞིན་དུ་ཧར་རེ་འདུག་པར་བསྒོམ། རང་གི་སྙིང་ག་ཐུར་དུ་ལྟ་བ་དེ་གྱེན་དུ་ཁ་བྱེ་བར་བསྒོམས་ལ། དེའི་དཀྱིལ་ན་སེམས་ཀྱི་རྒྱལ་པོ་ཨར་གནས་པ་དེ། [གཅུས་དེ་ནས་དྲང་པོར་བཞག་ལ་གུག་པོ་དང་མཛུབ་མོ་མཐེ་བོང་གསུམ་གྱིས་ཨོལ་མདུད་པ་ལྟག་པའི་འདུད་སྒོའི་ངོས་སུ་དྲག་པར་ཕུལ།] ཧིག་ཧིག་ཞག་པར་ལན་ཉེར་གཅིག་བརྗོད་པས། ཨ་དེ་ཚངས་པའི་བུ་ག་ན་ཡར་རྒྱངས་ཀྱིས་སོང་པས་བ་ཐག་གི་སྐུད་པ་ལྟ་བུ་དེ་ཆད་ནས་ཡི་དམ་ལྷའི་ཐུགས་ཀར་སོང་བར་བསམ། དེ་ནས་རང་ལྷའི་རྣམ་པ་གསལ་བར་བསྒོམ། དེས་འཚང་རྒྱ་བའོ། །དེས་ནི་བཙན་ཐབས་སུ་འཕོ་བའི་ཐབས་བཤད་དོ།། །།
༄། །ལུས་བཅོས་ཏེ་འཕོ་བ།
ལུས་བཅོས་ཏེ་འཕོ་བ་ནི། སྦྱངས་ཏེ་འཕོ་བ་བྱེད་མ་ཁོམ། བཙན་ཐབས་སུ་འཕོ་བ་མ་ནུས་ན། ལུས་བཅོས་ཏེ་འཕོ་བ་
2-1-43b
ལ་ཐུན་མོང་དུ་བསྟན་པ་དང་། ཐུན་མོང་མ་ཡིན་པར་བསྟན་པ་ལ་གཉིས་ལས།
༈ ཐུན་མོང་དུ་བསྟན་པ།
དང་པོ་ནི་ཡང་དག་པར་རྫོགས་པའི་སངས་རྒྱས་སྐུ་མྱ་ངན་ལས་འདས་པའི་དུས་སུ། སེང་གེའི་ཉལ་སྟབས་མཛད་ནས་འདས་ཏེ། སེམས་ཅན་འདི་ལྟར་བྱས་ནས་ཤི་ན་ངན་སོང་དུ་མི་འགྲོ་བས་འདི་ལྟར་གྱིས་ཅིག་ཤིག་པའི་བརྡའི་སྒོ་ནས་ཆོས་བཤད་པ་ཡིན་པས། ཐ་མལ་པའི་སེམས་ཅན་རྣམས་འཆི་བའི་དུས་སུ། གློ་གཡས་པ་ས་ལ་ཕབ་མགོ་བྱང་རྐང་པ་ལྷོ་ཁ་ནུབ་རྒྱབ་ཤར་དུ་བསྟན་རྐང་པ་བརྐྱང་ལ་བག་ཙམ་བསྙོ་ལོང་བུ་གཉིས་བཙག ལག་པ་གཡས་པ་འགྲམ་པ་གཡས་པ་ལ་སྦྱར། ལག་པ་གཡོན་པ་བརླ་གཡོན་པའི་སྟེང་ན་མར་རྐྱང་ནས་ཤི་ན་ངན་སོང་དུ་མི་འགྲོ་བ་ཡིན་གསུངས། དེ་ནི་ཐུན་མོང་དུ་བསྟན་པ་ཡིན་ནོ།། །།
༈ ཐུན་མོང་མ་ཡིན་པར་བསྟན་པ།
གཉིས་པ་ནི་སྟན་བདེ་བའི་སྟེང་དུ་གོང་དུ་བསྟན་པ་བཞིན་དུ་ལུས་བཅོས་ནས། སེམས་ཀྱིས་ཡི་དམ་གྱི་ལྷ་དང་བླ་མ་མདུན་གྱི་ནམ་མཁའ་སྤྱན་དྲངས་ལ། དེ་ནས་རང་གི་ལྟེ་བ་ནས་སོར་བཞིའི་འོག་རྩ་གསུམ་འདོམ་པའི་འདོན་སུམ་དུ་ཉི་མའི་དཀྱིལ་འཁོར་གཅིག་བསྒོམ། དེའི་སྟེང་དུ་སེམས་ཀྱི་རྒྱལ་པོ་ཨ་གཅིག་ཏུ་བསྒོམ། སྒལ་ཚིགས་ཉེར་གཅིག་པདྨ་ཉེར་གཅིག་ཏུ་བསྒོམ། དེ་ནས་ཉི་མ་ལས་འོད་ཟེར་དམར་ནར་གྱི་ནར་བྱུང་བས་ཚངས་པའི་བུ་ག་སྒོ་ཕྱེ་ལ། 
2-1-44a
ཧིག་ཉེར་གཅིག་ཤིན་ཏུ་དྲག་པར་བརྗོད་པས། སྒལ་ཚིགས་པདྨ་ཉེར་གཅིག་གི་སྟེང་དུ་ཡི་གེ་ཨ་དེ་ཐོན་པར་བསམ། དེ་ནས་ཨིག་ཉེར་གཉིས་བརྗོད་པས་ཚངས་པའི་བུ་ག་ན་ཡར་ཐོན་ཏེ། ཕར་ཐེན་(ཐོན་)ཡི་དམ་ལྷའི་ཐུགས་ཀར་ནས་ཚུར་ཐེན་(ཐོན་)རང་གི་སྤྱི་བོར་གནས། དེ་ཡང་ཕར་ཐོན་པ་དེ་ལྷ་ལ་ཆགས་པ་ཡིན། ཚུར་ཐེན་(ཐོན་)པ་ལུས་ལ་ཆགས་པ་ཡིན། དེ་ནས་ཉེར་གསུམ་བརྗོད་པས་བ་ཐག་གི་སྐུད་པ་ལྟ་བུ་དེ་བཅད་ནས་སེམས་ཀྱི་རྟེན་ཉི་མ་དང་བཅས་པས་ཡི་དམ་ལྷའི་ཐུགས་ཀར་འཕོས་པར་བསམ། དེ་ནས་རང་ལྷའི་རྣམ་པ་གསལ་བར་བསྒོམ། དེ་ལ་མ་འཕོས་ན་སྔར་བཞིན་དུ་ལྟེ་བའི་ལྐོག་ཏུ་ཉི་མའི་སྟེང་དུ་ཨ། སྒལ་ཚིགས་པདྨ་ཉེར་གཅིག་ཏུ་བསྒོམ། ཨི་ཀ་གིས་པདྨ་ཉེར་གཅིག་གི་སྟེང་དུ་དྲང་། དེ་ནས་ཨིག་ཉེར་གཉིས་བརྗོད་པས་ཚངས་པའི་བུ་ག་ན་ཡར་ཐོན་ཏེ་ཕར་འཐེན་ཚུར་འཐེན་ཡང་བསྒོམ། དེ་ནས་ཉི་མ་དང་ཨར་བཅས་པ་ཡི་དམ་ལྷའི་ཐུགས་ཀར་འཕོའོ། །དེ་ལ་མ་འཕོས་ན་དེ་བཞིན་དུ་ཡང་ཡང་བསྒོམས་པས་ཐེ་ཚོམ་མེད་པར་འཕོའོ། །དེ་ནི་ལུས་བཅོས་ཏེ་འཕོ་བ་བཤད་དོ། །དེ་ལྟར་བྱས་པས་སྦྱངས་ཏེ་འཕོ་བ་དང་། བཙན་ཐབས་སུ་འཕོ་བ་དང་། ལུས་བཅོས་ཏེ་འཕོ་བ་གསུམ་གྱི་འཕོ་བའི་མན་ངག་བཤད་དོ། །དེ་ལྟར་ན་བར་
2-1-44b
དོ་ཉམས་སུ་བླང་པ་ལ་བར་དོ་རྣམ་པ་གསུམ་དུ་བསྲེ་བའི་མན་ངག་དང་། འཕོ་བའི་མན་ངག་གཉིས་སུ་བྱས་ནས་བར་དོ་ཉམས་སུ་བླང་བའང་བཤད་དོ། །དེའི་མཐུན་རྐྱེན་ཚོགས་པར་བྱ་བའི་ཆེད་དུ་གུར་གྱི་ལེའུ་བཅུ་བཞི་པ་ན་བཤད་པའི་ལས་དང་པོའི་སྤྱོད་པ་ཅི་ནུས་སྤྱོད། དེས་ནི་བླ་མ་རྣམས་ཀྱི་ཞལ་གྱི་གདམ་ངག་ཡི་གེར་བྲིས་པ་བཀའ་བཞི་ཐོབ་པའི་ཏི་ལོ་པས་ལུང་བསྟན་པ་ཐོབ་པའི་ནཱ་རོ་པ་ལ་བཅུ་གཉིས་ཀྱི་མཐར་གནང་། མར་པ་བློ་གྲོས་ཀྱིས་གསེར་གྱིས་ལོ་བཅུ་གཉིས་མཉེས་པའི་མཐར་འབྷི་ཀྲ་མ་ལ་ཤི་ལར་གནང་། དེས་རྔོག་ལ་ཡོང་དག་གསུམ་གྱི་མཐའ་མ་ལ་གནང་པས། མི་ལ་ལ་སྦྱིན་གསུང་ངོ་།། །།ཨྠྀི།
